14-anyos tigok sa pukpok ng kalaro (Dahil sa tsinelas)

LEGAZPI CITY – Patay ang isang 14-anyos binatilyo makaraan pukpukin ng bato sa batok ng kanyang kalaro dahil sa nawawalang tsinelas sa nabanggit na lungsod kamakalawa.

Ayon sa ina na si Te-resita Toledo, lumabas ang kanyang anak na si Angelo kasama ang mga kaibigan nang makita ang suspek na naglalaro sa isang parke sa bahagi ng Brgy. Bañadero.

Nagkapikonan ang mga binatilyo nang pagbintangan ng suspek ang biktima na nagtago ng tsinelas kaya pilit na pinaaamin.

Bunsod nito, hinamon ng biktima ang suspek na magsuntukan ngunit tumanggi ang salarin.

Pagtalikod ng biktima, dumampot ng bato ang suspek at pinukpok sa batok ang binatilyo. Nang matumba ang biktima ay dali-daling bumangon at nagpahatid sa ospital.

Dalawang araw rin nanatili sa isang pampublikong pagamutan bago nailipat sa pribadong ospital ang biktima at isinailalim sa CT-scan ngunit na-comatose.

Sinasabing internal hemorrhage ang posib-leng ikinamatay ng binatilyo.

Nananatili sa kos-tudiya ng Women and Children’s Protection Desk ang menor de edad na suspek.