HATAW! D'yaryo ng Bayan hatawtabloid.com
ni James Ty III
TATLONG linggo nang napapanood sa ASAP 19 ang dating FHM cover girl na si Ashley Rivera.
Kasama si Ashley sa ilang mga sexy star ng Dos na nagsasayaw tuwing Linggo sa noontime show.
Bukod kay Ashley, kasama rin sa pagsasayaw sa ASAP sina Cristine Reyes, Bangs Garcia, at Meg Imperial.
Balak ng Dos at ng Viva Entertainment na magtayo ng grupo na kinabibilangan nina Ashley, Cristine, Bangs, at Meg para sumayaw at kumanta linggo-linggo sa ASAP.
Nakakontrata ngayon sina Bangs, Meg, at Cristine sa Viva na tumutulong sa Dos para sa mga artistang kasama sa ASAP na patuloy na tumataas ang rating habang ang kalaban nitong Sunday All-Stars ng GMA ay lalong bumabagsak.
Katunayan, tuwing 1:45 na ng hapon nagsisimula ang Sunday All-Stars pagkatapos ng weekend marathon ng My Love from the Star, patunay na walang direksiyon ang programming ng Siete ngayon.
