Relasyong Jasmine-Sam, matatag pa rin

James Ty III

KAHIT parehong busy sa magkaribal na network, patuloy ang pagiging sweet ng relasyong Jasmine Curtis at Sam Concepcion.

Nag-enjoy sina Jasmine at Sam sa panonood ng laro ng Barangay Ginebra at Talk n Text sa PBA noong Linggo sa Araneta Coliseum at kitang-kita ang pagiging sweet ng dalawang young stars.

At kahit nagkaroon ng sigalot si Sam sa kapatid ni Jasmine na si Anne Curtis noon ay hindi ito naging sagabal sa kanilang relasyon.

“Actually, Anne and I already sorted things out,” ayon kay Sam sa aming pakikipag-usap sa kanya. ”I think she’s for Jasmine’s happiness naman. Siyempre she does her part to stand up for her.”

Sa ngayon ay busy si Sam sa pagiging VJ ng MYX at ang kanyang paminsan-minsang pagiging regular ng ASAP 19 tuwing Linggo ng tanghali at Mira Bellasa ABS-CBN samantalang lumalaban pa rin sa rating ang show ni Jasmine na JasMine sa TV5 tuwing Linggo ng gabi, 9:15 p.m..

Nagpapasalamat si Jasmine sa mga nanonood ng kanyang drama show na tungkol sa isang aktres na palaging sinusundan ng stalker.

“Hindi kami umere last week dahil sa ‘Miss Teen Philippines’ pero tuloy-tuloy na ang show ko,” ani Jasmine. ”Siguradong mas magiging exciting ang mga susunod naming episodes.”

Idinagdag ni Jasmine na palaban pa rin ang kanyang show kahit  katapat ito ngPBB All In ng Dos at Kapuso Mo Jessica Soho ng GMA-7.