QCPD official bumulagta sa tandem

PATAY agad ang isang opisyal ng Quezon City Police District (QCPD), nang tambangan ng riding-in-tandem sa Quezon City, iniulat kahapon.

Kinilala ni QCPD Director Chief Supt. Richard Albano ang pinaslang na si Insp. Rodelio Diongco, nakatalaga sa QCPD station 12.

Ayon kay S/Insp. Maricar Taqueban, hepe ng Public Information Office ng QCPD, naganap ang insidente sa IBP Road harap ng Civil Service Brgy. Batasan Hills dakong 2:10 p.m.

Napag-alaman, sakay ng kayang owner type jeep ang nasabing opisyal nang pagbabarilin ng hindi nakilalang mga suspek na agad tumakas sakay ng motorsiklong di naplakahan.

Sa ulat ng pulisya, nagawa pang makaganti ni Diongco sa mga suspek pero nag-jam ang kanyang baril.

Isang manhunt operation ang isinasagawa ng QCPD para sa ikakaaresto ng mga suspek.

(JETHRO SINOCRUZ)