Coco at Sarah, waging-wagi

ni Maricris Valdez Nicasio

HUMAKOT ng libo-libong mga manonood ang Maybe This Time ng Star Cinema atViva Films sa opening day nito noong Miyerkoles at kumita ng P20-M sa takilya. Sinolidify ng tagumpay nito sa takilya ang bankability ng unang tambalan ng ABS-CBNPrimetime King na si Coco Martin at ng Box-Office Queen na si Sarah Geronimo sa pinilakang tabing.

Idinirehe ni Jerry Lopez Sineneng ang Maybe This Time na isinulat nina Anton Santamaria at Melai Monge. Ang Maybe This Time ay isang love story tungkol sa dalawang tao na matututuhan ang kahalagahan ng pagiging totoo sa kanilang mga sarili upang magwagi at manaig ang pag-ibig sa kanilang mga buhay.

Tampok din sa Maybe This Time sina Ruffa Guttierez, Ogie Diaz, Dennis Padilla, Marlann Flores, Zeppi Borromeo, Garlic Garcia, Minnie Aguilar, Boboy Garovillo, at Sharmaine Buencamino.

Lasapin ang tamis ng Valentines ngayong summer at mainlab kasama sina Coco at Sarah sa Maybe This Time. Bahagi ang Maybe This Time ng ika-20 anibersaryo ng Star Cinema at palabas ito sa 180 na mga sinehan sa buong bansa.