HATAW! D'yaryo ng Bayan hatawtabloid.com
CAMP OLIVAS, Pampanga – “ ‘Wag kayong magsusumbong sa inyong magulang kundi reresbakan ko kayo,” ito ang banta sa dalawang dalagitang ginahasa ng dalawang lalaking kanilang textmate kamakalawa ng gabi sa Brgy. San Agustin, bayan ng San Simon, sa nabanggit na lalawigan.
Base sa ulat ni Chief Insp. Michael Jhon Riego, hepe ng San Simon Police, sa tanggapan ni Senior Supt. Marlon Madrid, Acting Pampanga provincial director, paika-ikang sinamahan ng mga magulang sa himpilan ng pulisya ang dalawang dalagitang itinago sa pangalang Maria, 12, at Magdalena, 15, na ginahasa ng dalawang lalaking nakilala lamang nila sa text na sina Edgar Romero y Guezon, 21, at Bernardo Carpio y Malaking Batu, 23, kapwa ng Brgy. San Agustin, San Simon.
Sa imbestigasyon ni PO1 Mary Jane Genobili, dakong 10 p.m. ay nakipagkita ang dalawang biktima sa mga suspek sa nabanggit na lugar.
Dinala ng mga suspek ang mga biktima sa bahay ni Romero at sapilitan silang pinainom ng alak. Nang malasing ay ginahasa ng dalawang suspek ang mga biktima.
Pagkaraan ay inihatid ng mga suspek ang mga biktima sa tollgate sa highway at nagbantang sila ay papatayin kapag nagsumbong sa kanilang mga magulang.
(LEONY AREVALO)
