Pokwang, natupad na ang pangarap na magka-BF na Amerikano

ni Letty G. Celi

NATUPAD na rin ni Pokwang na magka-boyfriend ng Amerikano?

Sabagay, magkakilala pa lang sila, ‘ika nga ”Knowing each other.”

Sus, ganoon na rin ‘yun. Mauuwi rin sa lab, lab, lab dahil matagal ng loveless ang dakilang ina.

Pero sabi niya, kung sino ang maunang dumating at makilala, ‘yun na!

So, ito na yata ‘yung tinutukoy niya! At saka type niya talaga ay Kano, naka-Pinoy na siya at Hapon na ama ng kanyang only daughter na napaka-Japanese doll.

So, ‘pag nakita niyo in person si Pokie, ibang-iba, ang ganda niya ang mga mata, may spark na para bagang kumikislap. In English, sabi nga, ”the eyes of a woman in love.”

Bule!

NAPOLES, IPAGDARASAL KO PA RIN

SIKAT na sikat at imposibleng hindi kilala ng lahat si Madam Napoles, na ang daming nasangkot na mga politiko dahil sa scam na ginawa niya na pinagkamalan kuno ng malaking halaga ng salapi.

Sarap maging madatung ‘di katulad sa mahihirap na isang kahig isang tuka. Kaya lang, maraming nasangkot, at sa original na scam, may nadagdag pa at kuno may pirma ni Miss Napoles. Pero sa maniwala ka’t sa hindi, posible na may mga ahente na tauhan ang lumapit sa kung sino-sinong politician, may pangalan man o wala at inalok ng tipong inilalakong merchandize, pero hindi tinanggap ang alok at kondisyon ng bayaran at kaltasan ng komisyon.

‘Ika nga ay nagback-out. Pero naka-record na ang mga taong ito na assuming kuno na sila ay pumayag at client na ni Ms. Napoles. Pero, ang totoo, no transaction, rejected. Well, hindi po ako ang may idea o nakaisip nito, kuwento lamang ito ng isang tricycle driver na nagpahinga at naghihintay ng pasahero sa tapat ng tindahan. Kasi raw wala silang pasahero, wala silang pang-boundary at pambigas kaya naman inggit sila kay Madam Napoles.

Pero ako naman, ala akong datung at raket tapos may sakit pa, pero naaawa ako kay Madam Napoles. Ipagdarasal ko pa rin ang recovery niya, fast healing, less pain sa taglay na sakit.