Maricel, masaya na pumirma ng kontrata sa GMA

 ni Rommel Placente

AYON kay Maricel Soriano sa interview sa kanya ng PEP.ph, masaya siya sa naging desisyon niyang pumirma ng contract sa GMA 7para sa teleseryeng pagbibidahan niya, ang Ang Dalawang Mrs. Real kasama sina Dingdong Dantes at Lovi Poe.

”I’m proud and I’m very, very happy.  ‘Yan ang tagline ko rito. I’m happy. Hindi ako nagkamali,” sabi ni Maricel.

Katunayan, nagkuwento si Maricel na wala silang naging problema sa mga nauna nilang tapings para sa kanilang serye.

“Alam mo  ‘yan, ‘pag may problema, hindi masyadong nagsasalita si Mary (palayaw ni Maricel). May inhibitions. Wala masyadong dialogue. Nagtitipid. Hindi ako nagtitipid ngayon,walang ganyan. Wala akong problema. Halata naman,” aniya pa.

First time ni Maricel na makatrabaho si Dingdong at puring-puri niya ito.

“Si Dingdong professional siya at magaan katrabaho Napakabait na bata ni Dingdong. Wala akong masasabi sa kanya Mahusay, nanduroon siya, kitang-kita ko sa mukha na focused siya sa eksena.”

Gwapo si Dingdong pero hindi nakaramdam ng physical attraction dito ang Diamond Star.

“Hindi ko siya type dahil sumobra ang pagiging magandang lalaki nito.  Prangkahan tayo. Gugustuhin ko ba ang isang taong mas maganda sa akin sa gabi?” pabirong sabi pa ni Maricel.

Bilang artista, sinisiguro ni Maricel na hindi raw hahaluan ng malisya ang love scenes nila ni Dingdong at ang laging pinaghuhugutan niya raw ng emosyon ay ang kanyang character bilang si Milette.

“Ayokong tingnan ang mga panga at mga kanto. Hindi ko gusto ‘yan.  Pero pagdating sa ano, alam namin ang ginagawa namin, umaarte kami rito.22 Ginagampanan namin ang bawat character. Kasi kapag nasa eksena, ibang tao ka na. Kaya kami bayad. Wala kaming kilig factor. Kapag hinahagod ka,  ‘Hanggang diyan ka lang, ‘wag kang gagalaw. Bawal. Ayaw ni Milette. Kasi hindi ka si Marya. Si Milette ka.’”