HATAW! D'yaryo ng Bayan hatawtabloid.com
TINANGKANG itago nina Cedric Lee at Simeon Raz, Jr., Ang nakaposas nilang mga kamay sa pamamagitan ng t-shirt nang dumating sa Ninoy Aquino International Airport (NAIA) Terminal 3 sakay ng Philippine Airlines flight PR 2982 dakong 7:35 am kahapon. (EDWIN ALCALA)
PILIT na itinatago nina Cedric Lee at Simeon Raz Jr. ang nakaposas nilang mga kamay nang lumapag ang kanilang sinasakyang eroplano sa Ninoy Aquino International Airport (NAIA) terminal 3 lulan ng Philippine Airlines flight PR 2982 dakong 7:35 a.m. kahapon.
Ang dalawa ay naaresto ng pinagsanib na pwersa ng National Bureau of Investigation (NBI) at ISAFP sa Dolores, Eastern Samar habang nagtatangkang tumakas.
Sina Lee, Raz at tatlong iba pa ay kinasuhan ng serious illegal detention, at iba pang demanda, dahil sa pambubugbog at pagpigil sa actor/TV host Vhong Navarro sa Forbeswood Heights condominium sa Taguig noong Enero 22.
Ani Lee, handa niyang harapin ang mga kasong isinampa laban sa kanya at sinabing taliwas sa ipinahayag ng NBI, sila’y sumuko at hindi inaresto nang sila’y matunton sa Eastern Samar.
Ang dalawa ay dinala sa punong tanggapan ng NBI lulan ng asul na Adventure para doon pansamanatalang manatili.
Sa report, namataan sina Lee at Raz at muntik masakote ng operatiba ng NBI sa isang beach resort sa Barangay 13, Dolores, Eastern Samar nitong Biyernes, Abril 25, pero sila’y nakahulagpos sa pamamagitan ng pagtalon sa bakod at nagtago sa isang niyugan buong magdamag.
Tinutugis ngayon ng awtoridad sina Deniece Cornejo, Jed Fernandez at Ferdinand Guerrero, mga inakusahan din ng kaparehong demanda.
(RUDY SANTOS)
