HATAW! D'yaryo ng Bayan hatawtabloid.com
ni Maricris Valdez Nicasio
IBANG klaseng artista talaga itong si Alwyn Uytingco. Imagine, napapayag siyang makahalikan si Vin Abrenica dahil kailangan sa istorya. Mangyayari ito ngayong linggo sa Beki Boxer na makiki-summer sina Rocky (Alwyn) at ang kanyang pamilya at mga kaibigan sa beach.
Sa beach ay masosolo ni Rocky si Atong (Vin) at magkakaroon sila ng moment sa beach. Kaya lang, may makikilalang babae si Atong na kahuhumalingan ng binata. Ito na ba ang makakaagaw ni Rocky sa puso ni Atong?
Lalo pang magiging riot ang lahat dahil eeksena itong si Venus (Claire Ruiz) at “malulunod” sa beach para iligtas ni Rocky. Agad namang lalangoy sina Rocky at Atong para iligtas si Venus pero pupulikatin si Atong at malulunod ng totohanan kaya siya ang ililigtas ni Rocky.
Nang mailigtas si Atong, wala itong malay at tila nasobrahan sa nainom na tubig-dagat. Irerekomenda ni Madonna (Joross Gamboa) na i-mouth-to-mouth na ni Rocky si Atong.
Ito na ba ang chance ni Rocky na makahalikan si Atong? Anong magiging reaksiyon ni Venus? At ano ang aaminin ni Rocky kay Venus?
Abangan ang lahat ng ‘yan sa Beki Boxer, Lunes hanggang Biyernes, 7:00 p.m. sa TV5!
