HATAW! D'yaryo ng Bayan hatawtabloid.com
DAHIL sa paghitit ng marijuana, dalawang Chinese nationals na may dalang tinatayang P120 milyon halaga ng shabu ang nasakote ng mga operatiba ng Manila Police District (MPD) sa Binondo, Maynila, iniulat kahapon.
Nakapiit na sa MPD-PS 11 ang mga suspek na kinilalang sina John Chua Sy, ng Valenzuela City at Anthony Ang Chiu, 42, ng 195 P. Sevilla St., Caloocan City, na sasampahan ng paglabag sa section 12 at 15 ng Republic Act 9165.
Sa ulat na isinumite kay Supt. Raymund Ligueden ng MPD-PS 11, dakong 5:30 a.m. naaresto ang dalawang suspek sa tapat ng City Place Square Tower, Binondo.
Isang hindi nagpakilalang impormante ang nagturo sa dalawang Chinese national na gumagamit ng marijuana kaya agad nagresponde ang mga pulis.
Nang makita agad nilang sinita ang mga suspek at doon nakita ang maleta.
Agad binuksan ang bitbit na maleta ng mga suspek kaya tumambad ang shabu sa maleta na hinihinalang mayroong street value na P120 milyon.
Nakompiska rin sa dalawang pitong stick ng marijuana.
ni leonard basilio
