Italian envoy walang immunity (Sa child abuse raps)

HINDI maaaring igiit ni Italian ambassador to Turkmenistan Daniele Bosio ang kanyang “diplomatic immunity” sa kinakaharap na kasong child exploitation sa Filipinas.

Ayon kay Justice Sec. Leila de Lima, hindi nakatalaga sa Filipinas ang opisyal kaya’t hindi niya maaaring magamit ang “safe passage and protection”  na  itinatakda ng Vienna Convention on Diplomatic Relations para sa foreign diplomat.

Kasalukuyang nakadetine si Bosio habang sumasailalim sa preliminary investigation.

Una rito, inihayag ni Laguna-PNP director Col. Romulo Sapitula, inireklamo ng non-governmental organization (NGO) si Bosio habang kasama ang tatlong menor de edad na lalaki sa isang resort.

Nasagip sa operas-yon ng mga awtoridad ang mga biktima na may edad edad 9, 10 at 12 na pawang taga-Maynila.

Tiniyak ni Sapitula na walang special treatment na ibinibigay sa opisyal.

(LANI CUNANAN)