HATAW! D'yaryo ng Bayan hatawtabloid.com
ni Maricris Valdez Nicasio
NAKATUTUWANG may isang tulad ni Mr. Anthony Gedang o Tonet sa kanyang mga kaibigan , ang tumutulong para mag-invest o gumawa ng mga de-kalidad na pelikula. Bagamat isang bonsai collector at matagumpay na negosyante (water industry serving Manila Water, Maynilad), hindi ito naging hadlang para sundin ang hilig sa paggawa pelikula.
Very inspiring nga ang kuwento ni Tonet, na bagamat nagmula sa mahirap na pamilya hindi iyon naging hadlang para maging matagumpay na negosyante.
Si Tonet ang nasa likod ng award-winning indie film na Ataul For Rent na idinirehe ni Neil ‘Buboy’ Tan sa ilalim ng kanyang movie outfit—Artiste Entertainment Works International. Nasundan ito ng Casa at ngayon ay ang EDNA na ukol sa isang OFW na pinagbibidahan ng isa sa magagaling na artista natin na si Irma Adlawan at kauna-unahang directorial job ni multi-awarded actor Ronnie Lazaro.
Nalaman naming isasali sa mga international festival ang Edna. At tiyak na sa oras na mapanood ito, hahangaan din ang kakaibang talent ni Ronnie sa pagdidirehe.
Wala mang planong maging director ni Ronnie, si Tonet ang pumilit sa kanya na idirehe iyon at pinagsama-sama pa ang magagaling na artista bukod kay Irma, tulad nina Sue Prado, Nicco Manalo, Mara Marasigan, Kiko Matos, Madeline Nicolas, Pen Medina, Joe Gruta, Hermie Concepcion, at Frances Makil Ignacio.
