Akyat-bahay utas sa boga

PATAY ang isang miyembro ng “Akyat-bahay Gang”  nang barilin ng may-ari ng bahay na kanilang pagnanakawan sa Tondo, Maynila, iniulat kahapon.

Dead on the spot ang suspek na inilarawang nasa edad 25 hanggng 30, may taas na 5’3 to 5’4 , nakasuot ng itim na t-shirt at pantalon, may tama ng bala ng baril sa ulo.

Tatakas ang ikalawang suspek na inilarawang nasa edad 28-30, 5’4 to 5’5, naka-puting t-shirt at maong pantaloon.

Kinilala ang tangkang pagnakawan na si Antonio Roa, 37, binata, driver, ng 765 Ampil Street, Gagalangin, Tondo.

Sa imbestigasyon ni SPO3 Glenzor Vallejo ng Manila Police District-Homicide Section, dakong 4:00 ng madaling araw nang maganap ang insidente sa ikaapat na palapag ng bahay ng biktima

Nabatid na mahimbing natutulog ang biktima sa ground floor ng kanilang bahay nang maalarma siya dahil sa pagtunog ng sliding door kaya tumayo siya  mula sa higaan.

Nang kanyang siyasatin ang ikaapat na palapag ng bahay, nakita niya ang dalawang lalaking balak magnakaw kaya’t kinuha ni Roa ang kanyang baril at kanyang tinarget sa ulo ang isa sa dalawang suspek sanhi ng kanyang kamatayan.

(leonard basilio)