HATAW! D'yaryo ng Bayan hatawtabloid.com
INARESTO ng Philippine Drug Enforcement Agency (PDEA) ang 40-anyos Chinese national na nasamsaman ng P850 milyong halaga ng shabu sa buy bust operation sa Pangasinan nitong Huwebes ng hapon.
Sa ulat ng PDEA, kinilala ang naarestong suspek sa mga alyas na ‘Monky’ at ‘Gardo’, residente sa Mampang, Zamboanga City, Zamboanga del Sul.
Ayon kay PDEA Director General, Undersecretary Isagani Nerez, nasamsam mula sa Chinese ang 125 kilograms ng shabu na nakalagay sa loob ng isang plastic tea bags, sa isang van na Hyundai Starex, isang cellphone, at buy bust money.
Isinagawa ang operasyon sa bayan ng Bugallon nitong Huwebes ng hapon sa pagtutulungan ng mga ahente ng PDEA, PDEA regional office 1 Pangasinan Provincial Office, Philippine National Police-Drug Enforcement Group (PDEG), National Intelligence Coordinating Agency (NICA), at Armed Forces of the Philippines (AFP).
Ang naturang suspek ay mahaharap sa patong- patong na kasong paglabag sa Section 5 (Sale of dangerous drugs) at Section 11 (Possession of dangerous drugs, Article 11 of Republic act 9165 o Comprehensive Dangerous Drug 2002.
Kapag napatunayang guilty ang naturang suspek, mahahatulan siya ng habambuhay na pagkakakulong at pagmumulta ng P5 hanggang P10 milyon. (ALMAR DANGUILAN)
