HATAW! D'yaryo ng Bayan hatawtabloid.com
RATED R
ni Rommel Gonzales
STANDOUT agad sa grupong kinabibilangan niya na MaxBoyz si Wolf dahil sa bansag sa kanyang “The Datu.”
Napag-alaman pa namin, isa siyang tunay na datu sa tunay na buhay.
Jser Leon ang tunay niyang pangalan at nabibilang sa tribong Gaddang at Ybanag.
“My family is from Luzon, Visayas, and Mindanao. My dad is from Visayas and Mindanao, while my mom is from upper north.”
Ang lola ni Wolf ay prinsesa ng kanilang tribo na Ybanag-Tuguegarao.
May mga kamag-anak din sila sa ibang tribo na tulad ng Gaddang mula sa Cauayan, Isabela.
Si Wolf ay isa sa 14 na miyembro ng MaxBoyz, na all-male group na mga talent ng Wildstar Media Production.
Si Wolf, 26, isa ring kontesero na kinoronahang Hari Republika Pilipinas nitong Mayo 2025 at magiging kinatawan ng ating bansa sa King Republik Continent International na magaganap sa Agosto 20 hanggang Agosto 25, 2025.
Sumali si Jser o Wolf sa MaxBoyz para matupad ang pangarap na makapasok sa entertainment industry.
“Gusto ko pong umarte sa harap ng kamera at ine-expect ko na lalong gumaling pa sa larangan ng showbiz at sa ibang bagay pa na kaya kong gawin.
“As MaxBoyz member po, it’s really a roller-coaster challenge po sa akin at sa aming lahat because it’s not that easy to be one of the members.
“Ang akala ko nga po hindi na ako makukuha. When I joined the audition, ipinagpasa-Diyos ko po ang lahat. I know that He’s been guiding me.
“And when I got in, every day po akong nagta-travel from Tarlac to Manila for our training dahil willing talaga akong matuto dahil bago sa akin ang ganitong field.
“I am very happy po to be a part of MaxBoyz and marami pa po kaming ipakikita na kakaiba at kagigiliwan ng manonood.”
Ayon sa MaxBoyz ay sila ang Philippine counterpart ng Magic Mike na grupo mula sa pelikula ng Hollywood actor na si Channing Tatum na tungkol sa male stripteasers.
Ang former dancer na si Mariposa Cabigquez (of the Mariposa, Luninging at Milagring group noon sa Wowowee) ang manager ng MaxBoyz bilang CEO at President ng Wildstar Media Production.
