HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
FIRST time magsama sa pelikula sina JC Santos at Rhian Ramos at ito ay nangyari sa Meg & Ryan ng Pocket Media Productions at idinirehe ni Catherine Camarillo pero na-feel agad nguna na may chemistry, o swak agad sila.
Sa grand presscon ng Meg & Ryan na mapapanood na sa Agosto 6, sinabi ni JC na napaka-suwerte niyang makatrabaho ang isang artista na swak agad ang kani-kanilang personalidad.
“Yes, suwerte iyon. Bihirang-bihira iyon na may makasama ka na like her na ano na siya very well known, matagal na siya sa industriya, tapos ang dali niyang kasama. Hindi ako nahirapan at all. Hinintay ko ‘yung ‘magiging diva ba siya?’ Hindi eh. wala akong naramdaman at all, and it was exciting the whole time,” excited na tsika ni JC.
At nang ipa-describe namin sa kanya si Rhian in one word, sinabi nitong complex ang aktres.
“Kasi feeling ko hindi pa siya nabibigyan ng ganoong role na may ilalabas pa. Usually directors medium ito eh, you can only give what your director wants or something. Feeling ko pwedeng lumalim pa nang lumalim ang pwede niyang gawin.
“And nakita ninyo naman ang aming direktor, punompuno ng puso, kaya ganoon ang pelikula namin, may puso,” sabi pa ng aktor.
Naibahagi pa ni JC na maraming bago siyang ginawa sa pelikulang ito. “Challenging. I think ang daming bagong ginawa ko rito sa pelikula at sa bawat pelikulang ginagawa ako, maraming bago.
“As much as possible to refresh, ginagawa kong fabricated iyong character. Ayaw ko namang pang-surface level lang siya. Gusto ko iyong kita ang struggles niya, pinagdaraanan niya and bagong circumstances, iyong ganoon.
“Hindi naman laging nagbabago…gusto ko siyang maging tao, may puso. So iyon pa lang challenging na. Kasi ayaw ko siyang maging cartoons, caricature, stereo type,” wika pa ni JC na gumanap na isang conservative Draftsman na nakararanas na ng midlife crisis at nakakilala ng isang rich reckless girl in her late 20s.
Sinabi pa ni JC na nagpapasalamat siya na tinanggap ni Rhian ang pelikula. Na-enjoy nga raw niya ang pakikipagtrabaho sa aktres. First time pala silang nagkatrabaho ng aktres.
“It was so effortless working with her. I’m really glad I was able to work with her and the good thing is, she’s okay with me. She gave her soul here in this film.
“I am not an A-list actor. I’m one of those who’s too mainstream for indie and too indie for mainstream. Sometimes I think what my leading lady wou think when she’s with me.”
Hindi isang rom-com movie ang Meg & Ryan, paliwanag ni JC. “There are funny moments and there are dramatic moments,” sambit ng aktor.
Ukol naman sa paggawa ng rom-com nasabi ni JC na hindi pa niya nasa-saturate ang iba’t ibang role sa rom-com.
“Hangga’t may bagong maio-offer, hindi ko pa siya fully nasa-saturate. I think parang kulang pa ‘yung pwede kong ibigay sa romantic roles.
“Parang pwede ko pang i-elevate iyong drama or acting for a romance movie,” paliwanag ng aktor.
Sinabi ni JC na challenging pa rin ang mga rom-com movie na ginagawa niya.
“Yes, yes. Sa bawat taong nakakasama ko is usually a different challenge kasi bagong connections iyon eh,” anito.
Isa si JC sa talaga namang napakahusay na aktor kaya nasabi naming hindi siya nawawalan ng project.“Sinusuwerte lang. Hindi naman talaga ako A-list actor. Hindi naman ako iyong…minsan nga I’m into mainstream to indie, indie into mainstream. Nasa gitna lang ako and I’m happy with that status.
“The longevity is what I am after,” wika pa nito.
Kilalanin natin sina meg Zamonte at Ryan Canete sa isang kuwento tungkol sa dalawang estranghero na ang landas ay nag-krus sa hindi inaasahang pagkakataon na naging malapit ang mga puso at marahil natgpuan ang pag-ibig. Dalawang kalulwa na pinagtagpo ng isang kakaibang taya. Isang lalaking may maingat na puso. Isang babaeng nabubuhay para sa mga walang ingat na pustahan. At isang mapaglarong taya na humantong sa isang gabi ng pagkakataon at koneksiyon.
Samantala, kasama rin sa Meg & Ryan sina Cedrick Juan, Ces Quezada, Cris Villanueva and Jeff Gaitan.
