Gomez, bagong Press Secretary Garin, itinalagang Energy chief  

IPINAHAYAG ni Palace Press Officer Atty. Claire Castro na itinalaga ni Pangulong Ferdinand Marcos, Jr., si Dave Gomez bilang bagong Presidential Communications Office (PCO) Secretary.

Kasabay nito itinalaga rin ng Pangulo si Atty. Sharon Garin, isang Certified Public Accountant bilang bagong kalihim ng Department of Energy (DOE).

“We are pleased to announce that President Ferdinand R. Marcos Jr., has appointed Mr. Dave Gomez as Secretary of the Presidential Communications Office , and Attorney Sharon Garin as secretary of the Department of Energy,” pahayag ni Castro.

Sinabing si Gomez ay may malawak na karanasan sa pamamahayag, sa gobyerno at sa corporate communications, naging senior reporter, naging Director General ng Philippine Information Agency at communications director ng isang pribadong kompanya.

Habang si Garin, dating kongresista, ay may malawak na kaalaman sa mga polisiya at enerhiya.

Samantala, itinalaga si Ruiz na magiging miyembro ng board of directors ng Manila Economic and Cultural Office (MECO).