3rd Nomination Night ng Pinoy Big Brother pinag-usapan

RATED R
ni Rommel Gonzales

MATAPOS ang isang tahimik at makabuluhang Semana Santa sa loob ng Bahay ni Kuya, humarap muli sa ikatlong nomination night ang mga housemate. Ang mga nominado ngayong linggo ay ang duo nina RaSti–Ralph at Dustin, MiLi–Michael at Emilio, at BrInce–Brent at Vince. 

Nagkaroon din ng matinding tensyon sa task leader na si Klarisse at nominated housemate na si Dustin dahil sa ilang violation sa kanilang weekly task.

Samantala, biniro naman ng isa sa mga malalapit na kaibigan ni Dustin na si David Licauco sa kanyang recent Facebook post na mukhang maaabutan pa nito ang showing ng kanyang pelikulang Samahan ng mga Makasalanan. 

Sey ni David “sagot ko na ‘yung movie tickets hehe @ dustin”. 

Sa ilang interviews ng Pambansang Ginoo ay pabiro niyang kinukumusta ang kaibigan habang ito ay nasa loob ng Bahay. 

Sino-sino nga kaya ang unang male housemates na lablabas ng bahay ni Kuya? Abangan ang mga bagong hamon sa kanila gabi-gabi sa Pinoy Big Brother Celebrity Collab Edition sa GMA Prime.