Mga bida ng GMA teleserye may meet & greet sa March 30  

RATED R
ni Rommel Gonzales

PATULOY ang mainit na pagtanggap ng viewers sa mga serye ng GMA Drama at GMA Prime, kaya naman may sorpresa ang mga bidang Kapuso artist sa kanilang fans ngayong March 30, 3:00 p.m.. 

Isang masaya at makulay na mall show sa SM City Manila ang handog ng mga bida ng SLAY na sina Julie Anne San Jose, Mikee Quintos, Ysabel Ortega, Royce Cabrera, at Derrick Monasterio. 

Join pa sa masayang meet and greet ang Team Jolly na sina Allen Ansay at Sofia Pablo ng Prinsesa ng City Jail. 

Mula naman sa Mommy Dearest, makikisaya rin sina Shayne Salva, Dion Ignacio, Rocco Nacino, at Katrina Halili. 

Tiyak na isang masayang hapon ang masasaksihan dahil nariyan pa sina Herlene Budol, Thea Tolentino, Kevin Dasom, at Tony Labrusca ng Binibining Marikit.

Talagang panalo ang kuwento ng viewers. Sugod na ngayong Linggo (March 30) at samahan ang inyong paboritong Kapuso stars sa isang masaya at makulay na mall show sa SM City Manila.