HATAW! D'yaryo ng Bayan hatawtabloid.com
NADAKIP ng mga opisyal ng Bureau of Immigration (BI) sa Ninoy Aquino International Airport (NAIA) ang dalawang pasaherong Chinese nationals na nagtangkang umalis sa bansa gamit ang mga pekeng dokumento sa imigrasyon.
Sa isang pahayag, sinabi ni Immigration Commissioner Joel Anthony Viado, ang dalawang pasahero ay nasabat sa NAIA Terminal 1 noong Linggo bago sila makasakay sa isang flight ng Philippine Airlines patungong Bangkok.
Ang dalawa, na kinilalang sina Wang Dingku, 31, at Su Zhengkun, 25, ay kasalukuyang nakakulong sa pasilidad ng BI sa Camp Bagong Diwa, Taguig City habang naghihintay ng proseso ng deportasyon.
Ayon kay Viado, tinanggihan ang pag-alis ng mga pasaherong Chinese at sa halip ay inaresto matapos matuklasan na sila ay pumasok sa bansa gamit ang mga pekeng visa.
“Pinupuri natin ang mga opisyal ng imigrasyon sa kanilang pagiging mapagbantay sa pagtuklas ng mga pekeng dokumento sa paglalakbay na ginamit ng mga nasabing dayuhan upang ‘linlangnin’ ang ating mga batas sa imigrasyon para makapasok sa bansa kahit ilegal ang sistema nila,” pahayag ng pinuno ng BI.
Sinabi sa mga ulat na ipinakita ng mga pasahero ang kanilang mga sarili para sa mga pormalidad sa pag-alis sa counter ng imigrasyon nang mapansin ng mga opisyal ng BI na nagproseso sa kanila ang mga iregularidad sa mga visa na nakasulat sa kanilang mga pasaporte.
Dahil dito, ipinadala ang mga visa para sa pagsusuri sa laboratoryo ng forensic documents ng BI na kalaunan ay nagpatunay na ang mga nasabing visa ay talagang peke.
Nag-udyok ito sa mga superbisor ng BI nan aka-duty noon para arestohin ang mga pasahero at iendoso sa legal division ng bureau para sa paghahain ng mga kaso sa deportasyon.
Sinabi ni Ferdinand Tendenilla, ang kumikilos na pinuno ng BI border control and intelligence unit (BCIU), sumailalim sina Wang at Su sa paunang pagsisiyasat ng mga tagausig ng BI sa pangunahing tanggapan ng bureau noong Lunes.
Ang mga kaso ng paglabag sa batas ng imigrasyon ng Filipinas ay isasampa laban sa kanila sa BI board of commissioners na maglalabas ng utos para sa kanilang summary deportation. (NIÑO ACLAN)
