HATAW! D'yaryo ng Bayan hatawtabloid.com
HARD TALK
ni Pilar Mateo
HINDI pa rin talaga mawawala sa mga tanong kay Senator Ramon ‘Bong’ Revilla, Jr. ang mga personal na bagay.
Lalo at may tema ang kanyang nasa ikatlong season ng Walang Matigas na Pulis sa Matinik na Misis sa GMA-7 sa relasyon ng mag-asawa.
Hindi naman maitatanggi na lapitin ng mga tsikas ang action star. At hindi lang ilang beses siyang naiugnay sa maraming babae na ang iba ay naging leading lady pa niya.
Nasagot naman nito ang tanong para sa pa-Christmas party at thanksgiving na rin sa mahal niyang press people kamakailan.
Dahil ang karamihan naman sa mga dumalo ay ang members ng media na naging malapit na rin sa puso niya sa mula’t mula, hindi na ikinaila nito na, “Alam lahat ni Lani…” ang mga bagay na sinentruhan ng mga intriga sa kanya noon lalo at mga babae ang pag-uusapan.
But as time went on, sa pagsasamang hindi bumitiw ang tunay na matinik na misis niya, lalo lang umusbong ang pagsasamang naging huwaran.
Kaya rin siguro kahit ano pa ang mangyari, pagdating naman sa karera nito bilang action star, lalo ring umiigting ang pag-ariba ng biyaya sa kanya.
Sa nasaksihan ng press sa trailer ng kanyang palabas na mapapanood tuwing Linggo simula sa ika-22 ng Disyembre 2024, walang magsasabingtapos na ang era ng isang Bong Revilla.
Tumatalon. Duma-dive sa ere. May underwater scenes. At siyempre ang pisikalan sa pakikipagbakbakan.
Bumagay ang partner niyang si Beauty Gonzales sa tandem nila sa hindi tinatantanan ng manonood ng serye. May kudlit na komedi sa serye na buma-balanse sa ikot ng buhay ng pulis na si Tolome.
Para sa buong cast, halos lahat eh, nagsabing wala naman talagang ander de sayang asawa. Lalo sa parte ng lalaki. Lalo na kung ang pagmamahalan, pagbibigayan at pagsusunuran ang isinasaalang-alang.
Ipinadama ni Bong ang pagmamahal sa press sa pagpapaulan ng cash sa ibinahaging raffle. Kaya, walang umuwi ng luhaan sa araw na ‘yun.
Walang kahon. Puro sobre. Kaya alam mo na na ten-fold ang magiging balik nito sa kanya!
