HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
PORMAL nang pumirma ng exclusive contract sa ABS-CBN talent management na Star Magic ang panganay na anak nina Robert “Dodot” Jaworski, Jr. at Mikee Cojuangco, si Robbie Jaworski.
Present sa contract signing ni Robbie noong Biyernes ang Star Magic head na si Lauren Dyogi at ABS-CBN COO for Broadcast Cory Vidanes, at talent manager Girlie Rodis gayundin ang mga magulang ni Robbie at kapatid na si Rafael Jaworkski.
Ayon kay Robbie pinag-isipan at ipinagdasal niya ang ginawang desisyon bago pumasok sa showbiz.
Ayon sa Star Magic, magiging MYX Channel VJ si Robbie. At agad niyang naipakita ang talent na ito nang nag-present siya ng award kamakailan sa MYX Music Awards 2024.
“I am excited to get to know the other VJs and hosts more,” masayang wika ng binata.
Aminado si Robbie na malaki ang impluwensiya ng mga magulang niya pero iginiit na sariling desisyon ang pagpasok sa showbiz kaya naman ganoon na lamang ang pagpapasalamat niya sa kanyang pamilya.
Sinabi naman ni Dodot na hindi nila hinadlangan ang kagustuhan ng kanilang anak bagkus ay sinuportahan nila.
“Pumayag kami nang magsabi siya, why not give it a try?! Andito lang kami,” anang Vice Mayor ng Pasig.
Matagal na palang may offer kay Robbie na mag-artista at mag-host. May offer din pala ito noon para maging housemate sa Pinoy Big Brother.
“May mga offer na pumapasok but it was this year pinag-isipan ko talaga and dinasalan ko ‘yung decision kasi other opportunities presented itself.
“After seeing my parents and grandparents how they inspire others, I realized this might be an opportunity for me to do find a greater purpose and something bigger than just myself.
“Hopefully learn to inspire others,” ani Robbie.
Sinabi pa ni Robbie na nakakaramdam din siya ng pressure sa pagpasok sa showbiz pero ito ang ginagamit niyang motivation para pagbutihin ang mga ibibigay sa kanyang projects ng ABS-CBN.
Nakakaramdam din siya ng pressure kapag ikinokompara sa mga magulang.
“So sometimes I do feel pressure but most of the time it is a good pressure.
“I am grateful ipinanganak ako sa pamilya na marami nang ginawa or naiambag sa komunidad.
Nang matanong naman kung sino sa mga love team ang gusto niya sakaling maging third party, pinili niya ang DonBelle dahil naging schoolmate at friend niya si Donny Pangilinan.
Showbiz crush naman niya sina Kim Chiu at Maris Racal.
Ang pagiging energetic at bubbly ni Kim at ang kakaibang ganda at lakas ng dating ni Maris ang nagustuhan niya sa mga ito.
