HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MULING matutunghayan ang galing sa pagkukuwento at malalim na imbestigasyon sa mga istoryang ihahatid ni Pinky Webb sa kanyang daily programa sa Bilyonaryo News Channel (BNC), ang On Point.
Si Pinky ay isa sa pinagkakatiwalaang boses sa national television at kilala rin sa malalim na coverage sa mga isyu at husay sa pagkukuwento.
Kaya naman mag-aalok ang On Point ng eksklusibo at napapanahong kuwento at kaganapan sa bansa sa araw-araw.
Mapapanood ang On Point tuwing Lunes hanggang Biyernes, 7:30 p.m..
Masusubaybayan ang Bilyonaryo News Channel sa free-to-watch television channel BEAM TV 31 (sa pamamagitan ng digital TV boxes sa Metro Manila, Cebu, Davao, Iloilo, Baguio, Zamboanga at Naga) at cable TV provider na Cignal Channel 24.
