HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MADALAS magka-usap sina KD Estrada at Alexa Ilacad hindi man sila magkatrabaho o hindi nagkikita. Kaya naman updated sila sa mga ganap ng isa’t isa.
Ayon kay KD nang makausap namin ito sa Blue Carpet premiere ng Mujigae na pinagbibidahan ni Alexa kasama sina Kim Ji Soo at Ryrie Sophia na palabas na ngayon sa SM Cinemas na madalas silang mag-message at magka-usap noong nagsu-shoot ang dalaga ng pelikula.
“She message me a lot and we’re always communicating noong lock in taping niya nitong movie at nasabi niyang pagod na pagod siya (ito kasi ang pinaka-emotional movie ni Alexa).
“And I just want to be there to support her dahil alam kong sobrang nakakapagod ang gumawa ng movie. I know it takes more energy out of you and the least thing I could do is to message her and to come here to support her,” anang binata.
Sinabi pa ni KD na okey lang na minsan ay kanya-kanya silang trabaho o hindi magkasama sa isang project. Ang mahalaga ay nagsusuportahan sila.
“Our individual growth is always something I advocate for specially if you’re being in a partnership kasi you can’t compete in a partnership if you can’t compete yourself.
“And I think it helps your insecurity, hindi ka magseselos, hindi ka magiging insecure whenever she’s doing another thing. And it strengthen as together, as a partner.”
Iginiit din ni KD na hindi siya nagselos sa Korean actor na kasama ni Alexa, si Kim Ji Soo.
“No, no, no. Idol ko si Ji Soo and marami rin akong idol na mga Korean actor. I really look up to them in terms of acting and and ‘yung style nila,” nakangiting sabi pa ni KD.
Ukol naman sa dapat abangan sa KdLex, sinabi ng binata na katatapos lang nilang mag-shoot ng music video sa Hong Kong para sa kanyang kantang Be With You for Hong Kong Tourism in collaboration with ABS-CBN Music na out na ngayon.
Bukod kay KD, nakita rin naming sumuporta kay Alexa ang kaibigang si Charlie Dizon na super excited sa pelikula ng kaibigan. Dumating din si Cedrick Juan.
