Boobsie Wonderland deadma sa lovelife, trabaho muna ang uunahin

MATABIL
ni John Fontanilla

MALUNGKOT man sanhi ng ‘di nila pagkakaunawaan ng tatay ng kanyang mga anak na nagresulta ng kanilang paghihiwalay,  pilit itong kinakaya ng mahusay na komedyana na si Boobsie  Wonderland.

“Masakit na humantong kami sa paghihiwalay sa matagal naming pagsasama, pero kinakailangan para na rin sa kabutihan ng bawat isa.

“Aminado naman ako na minahal ko ‘yung tao, pero dumarating din ‘yung time na parang mapupuno ka, ‘yung masasabi mo sa sarili na tama na, ‘yun ‘yung na feel ko kaya naisipan kong makipaghiwalay,” ani Boobsie.

Sa ngayon ay mas focus si Boobsie sa trabaho para sa sarili, mga anak, at pamilya at wala munang time sa pag-ibig.

“Siguro for now mas priority ko ang magtrabaho nang magtrabaho para na rin sa aking sarili, sa mga anak ko at sa pamilya, at saka na ang pag-ibig, pahinga muna,” dagdag pa ng komedyana.

Sa ngayon ay regular na napapanood si Boobsie sa Wil To Win ni Willie Revillame na napapanood sa TV5 at sa mga out of town show.

“Mabuti na lang busy ako sa dami ng trabaho na dumarating sa akin na ipinagpapasalamat ko ky lord, and nagpapasalamat din ako kay Kuya Will (Willie Revillame) dahil kinuha niya ako para maging part ng ‘Will To Win’ sa TV5,” saad pa ni Boobsie.