HATAW! D'yaryo ng Bayan hatawtabloid.com
RATED R
ni Rommel Gonzales
TINANONG namin ang producer ng Negosyo Goals with Miss A na si Ivy Ataya ng Makers Mind Media Production kung paano sila nagkaroon ng konek ni Anna Magkawas o Miss A na host ng entrepreneurial program ng GTV.
“Ang naka-discover sa kanya si Jerry Santos. Si Mr. Freeze, ‘yung first na TV host ko.”
Si Jerry ay isang negosyante na kaibigan din ng mag-asawang Derek Ramsay at Ellen Adarna. Si Jerry din ang unang host ng Negosyo Goals.
Pagpapatuloy ni Ivy, “So mayroong photoshoot si Mr. Freeze noon na magkasama sila para maging brand ambassador ng isang brand, and then, tumawag sa akin si Jerry, sabi niya, ‘Ivy, I’ve met Ms. Anna Magkawas, she’s very nice’, sabi niya, ‘i-try mong i-feature siya sa TV show natin, napakabait, napaka-humble.’
“Sabi ko, ‘Jerry tawagan mo ko mamaya.’
“Anyway, ganito sabi niya, ‘Mayroon akong na-meet, si Ms. Anna Magkawas, napakabait niya!’
“Tapos iyon, ang tagal namin bago kami nakapag-usap ni Miss A dahil napaka-busy niya, and then, madali niyang nagustuhan ‘yung ‘Negosyo Goals’ kasi it’s a visionary TV show.
“Tapos nag-contract signing na kaagad, and then ‘yun.
“Medyo mga ilang episodes pa bago kami nag-meet, kasi that time I was the manager of Jerry Santos, medyo ako nakabantay, and then naka-divide naman ‘yung isang second team ko for Miss A.
“Pero ang first parang reaction or feedback ng mga team ko is that first taping days nila, napakamaalaga ni Miss A.
“Umabot pa siya sa point na she’s not very comfortable about her outfit, talagang pumunta siya sa mall just to find a way na magsuot siya ng proper.
“At sakw nagpapa-Starbucks din siya sa buong production team ko,” at tumawa si Ivy.
Palagi rin daw maraming dalang pagkain si Anna para sa buong production team.
Samantala, nasa 4th Season na ngayon ang negosyo Goals with Miss A.
Si Anna ang CEO at founder ng Luxe Beauty and Wellness Group at bigatin ang mga celebrity endorser niya, kabilang na sina Marian Rivera (for Ecran De Luxe sunscreen), ang sikat na Blackman family (Jeraldine, her Australian husband Joshua at dalawa nilang anak na sina Nimo, 6, at Jette, 4) na pamilya ng mga vloggers mula sa Australia Luxe Kids Powdered Drink, at si Vice Ganda na endorser naman ng Luxe Skin Beauty Talks Booster C + C at Luxe Skin Beauty Talks L’Anna.
