HATAW! D'yaryo ng Bayan hatawtabloid.com
TINANGKILIK agad ang pelikulang When I Met You In Tokyo kaya naman nag-number one agad ito nang magsimulang mag-stream online noong July 29 sa Netflix. Ang When I Met You ay isa sa 2023 official Metro Manila Film Festival entry at pagbabalik tambalan ng loveteam of all time, ang Vilma-Boyet tandem. Produced ng JG Prouctions Inc. na idinirehe nina Direk Rado Peru at Direk Rommel Penesa.
Ani Vilma Santos, masayang-masaya siya sa mainit na pagtanggap ng mga manonood ng Netflix sa pinagbidahang pelikula, nila ni Christopher de Leon. “So happy, talaga namang I’m so proud of this movie. Maaring sabihin nila it’s a very simple movie, bakit ka ganyan? No eh, hindi.‘yun kasimplehan ng pelikula namin ni Christopher o ni Yetbo. Ang importante rito is ‘yung message ng movie kasi nakuha mo ‘yung message ng movie, panalo na kami.
“Hindi ba nandoon ‘yung forgiveness, hope, second chances, how important love is, family values. Kung papanoorin mo talaga ng matindi ‘yung ‘When I Met You In Tokyo,’ it’s a very simple story pero na naroon lahat.
“For that I’m really proud na ngayon pinapanood sa Netflix.
“I ask them to watch it again hanggang sa ma-absorb mo ‘yung meaning ng movie.”
Kinilala rin ng ng iba’t ibang award giving bodies ang natatanging husay ng Star For All Seasons sa pagganap na itinanghal siya bilang Best Actress sa 2023 Metro Manila Film Festival, 1st Manila International Film Festival at kamakailan sa 40th Star Awards For Movies.
Pinarangalan din sa nakaraang 2024 FAMAS Award’s Night ng Circle Of Excellence sina Christopher at Vilma para sa mahusay na performance nila sa pelikula.
