Binibining Pilipinas tinapatan The EDDYS

HATAWAN
ni Ed de Leon

ISIPIN ninyo, iyon daw coronation ng Binibining Pilipinas ay gaganapin din sa Hulyo 7. Aba eh ano ang laban nila kung sasabayan nila ang The EDDYS. Mabuti at hindi live telecast ang The EDDYS sa AllTv. 

Kasi kung nangyari iyon at sabay pa sila sino nga ba ang manonood sa beauty contest kung ang kasabay mo ay awards night ng mga artista. Mabuti na ang telecast ng The EDDYS ay delayed din ng ilang araw para masiguro nilang malinis na malinis at maganda ang kanilang video. Isipin ninyo ilalabas iyan sa AllTv na bagama’t bagong estasyon ay gumagamit naman ng dating transmitter at tower ng ABS-CBN. Isipin ninyo amg laki ng audience niyon.

Kung sabagay ano ba naman ang dahilan para kabahan sila eh ang direkor naman nila ay ang beterano na ring si Eric Quizon at hindi kung sino-sino lamang direktor na puro ka-cheap-an ang ginagawa.