HATAW! D'yaryo ng Bayan hatawtabloid.com
HARD TALK
ni Pilar Mateo
BACK-TO-BACK!
Ang paglulunsad sa aspiring talents na ginigiya ng henyong kompositor na si Vehnee Saturno at ng kanyang lovable partner at isa ring mahusay na mang-aawit, Ladine Roxas.
Kung si Yza Santos ay lumaki at nagkaisip sa bansang Australia, si Ysabelle Palabrica naman ay sa pinagmulan ng kanyang mga ninuno sa Iloilo hinubog.
Noong pandemya, nagawa ng Mama Marisa ni Yza na simulang matupad ang kanyang pangarap na maging singer sa pagkalampag kay Ladine at kumatok sa pintuan nito via zoom para makapag-workshop sa kanyang school ang anak.
Nakita ni Ladine ang potensiyal ni Yza kaya nang isangguni niya ito kay Vehnee at napakinggan ang kakayahan sa pagkanta, pinagbigyan ang hiling ng ina na mabigyan ito ng magiging signature song niya.
At ito nga ang Misteryo. Tungkol sa pagtibok ng puso ng dalaginding sa kanyang crush. Bata pa si Yza pero alam naman daw niya ang pakiramdam ng magkaroon ng buterflies in her stomach.
Pursigido si Yza, sa suporta na rin ni Mama Marissa to make it in the circuit. Kaya kung kailangang gawing parang Quiapo lang o Divisoria ang ‘Pinas eh, kaya naman dahil apat na beses sa isang taon naman kung umuwi sila sa bansa. Kaya kung kakailanganing bumuno pa sa kanyang senior high school na dalaginding na magpabalik-balik, it will be just a matter of time and proper scheduling.
