HATAW! D'yaryo ng Bayan hatawtabloid.com
HATAWAN
ni Ed de Leon
HINDI ba ninyo napansin mukhang hindi masyadong umingay ang huling serye ni Gabby Concepcion? Mukhang ang gusto ng fans ay iyong mga bata talaga at mga bagong mukha ang kasama ni Gabby.
Isa pang hindi maikakaila, bumagsak naman talaga ang afternoon slot ng Channel 7 nang mawala sa kanila ang TVJ, at ipinaglaban pa nila ang Fake BUlaga. Ngayon na-realize na rin nilang mali iyon at gusto na nilang alisin ang show at ilagay sa kanilang channel ang dati nilang kalabang It’s Showtime. Kasi mas lalaki nga naman ang income nila at makatutulong iyon sa pagbatak ng audience sa kanilang afternoon programming.
Sa ngayon lumamig ang mga afternoon program nila, nagsisimula lang silang mag-pick up pagpasok ni Boy Abunda at niyong Family Feud. Nakasisipa sila sa prime time dahil napanatili nilang number one show ang 24 Oras. Kaya nga natatalo minsan ni Ruru Madrid si Coco Martin. Natural lang ambisyonin nilang lumakas muli ang afternoon programming nila at isa lang ang alam nilang masakit na solusyon.
