Ruru at Yassi nakigulo sa UH

RATED R
ni Rommel Gonzales

NAG-ENJOY ang Black Rider lead stars na sina Ruru Madrid at Yassi Pressman sa pagbisita sa bagong studio set ng Unang Hirit noong Lunes (Oct. 9).

World-class ang bagong tahanan ng UH na may 360-degree rotating platform, LED video walls, at interactive monitor. Ang Emmy-award winner at U.S.-based company na FX Design Group lang naman ang nagdisenyo. 

Naki-TikTok pa sa set sina Ruru at Yassi kasama sina Morning Oppa Kaloy Tingcungco at Morning Sunshine Shaira Diaz. Hindi na nga siguro sila makapaghintay na mapanood si Ruru sa pagbabalik niya sa primetime. Trailer at BTS pa lang, makikita mo na na maaksiyon talaga ang bagong serye. Mga bigating action stars din mula sa iba’t ibang henerasyon ang makakasama niya.

Excited na rin tiyak ang fans ni Yasssi na mapanood siya sa isang action series. Star-studded talaga ang serye na bukod kina Kylie Padilla, Matteo Guidicelli, at Katrina Halili ay kabilang din sina Jon Lucas, Rainier Castillo,  Zoren Legaspi, Gladys Reyes, Empoy, Jayson Gainza, Janus del Prado, Isko Moreno, Joaquin Domagoso at marami pang iba.