HATAW! D'yaryo ng Bayan hatawtabloid.com
HATAWAN
ni Ed de Leon
NGAYON lang sinasabi ng mga Jalosjos na gusto nila talagang magbawas ng gastos kaya sana gusto nilang three times a week na lang lumabas ang TVJ (Tito, Vic & Joey), at gusto rin daw nilang bigyan ng mas magandang exposure ang JoWaPao (Jose, Wally, Paolo). Kung naging maliwanag iyan sa simula pa lang hindi siguro nagkaron ng gulo.
Pero palagay kaya ninyo, kung maiiwan ang Jowapao sa show, makakaya nila ang style at batak ng TVJ? Hindi kaya ang mangyari sa kanila ay kung ano lang din ang nararanasan ngayon ng pumalit sa kanilang BuLoTong (Buboy, Paolo, at Betong) na nilalait ng mga tao?
Masusudan pa iyan ng gulo sa agawan ng titulo ng Eat Bulaga. Tiyak iyon ipipilit ng TAPE Inc na sa kanila ang title dahil sila ang unang nagparehistro niyon noong 2011. Pero kung iisipin na 1979 pa iyang Eat Bulaga, sino ang nakaisip at nag-imbento ng title?
Maaaring sila ang legal na may-ari ng title pero maliwanag na hindi sa kanila galing iyon. Lalabas na inaangkin nila iyon kay Joey de Leon na siyang nag-imbento ng title, at ilalayo na naman nila ang sarlli nila sa masa. Kung aaminin na lang nilang nagkamali sila sa diskarte sa take over at pababayaan na lang iyan, hindi sila magiging kontrabida sa mata ng tao, wala na silang kaaway, at makaiiwas sila sa mas malaki
pang pagkalugi.
