Lotlot de Leon  pinatalon, pinaakyat ni direk Chito Rono sa bintana

RATED R
ni Rommel Gonzales

NOON pa man ay naikuwento na sa amin ni Lotlot de Leon ang hindi niya malilimutang karanasan sa shoot ng pelikulang Feng Shui.

Gumanap siya sa naturang blockbuster movie bilang si Alice at sa pagsalang ni Lotlot sa one-on-one interview sa Fast Talk with Boy Abunda, isa sa mga itinanong sa kanya ng batikang host ay kung ano ang role na talagang nahirapan siya?

At iyon na nga, ang pinakamahirap niyang ginampanan ay ang karakter niya sa pelikulang pinagbidahan ni Kris Aquino.

“I think siguro po ‘yung sa ‘Feng Shui,’ kasi hindi ko po ine-expect na ako ‘yung patatalunin ni Direk Chito Roño sa bintana,” pagbabalik-tanaw ni Lotlot.

Hindi niya inasahan na sa kanya ipagagawa ni direk Chito ang mga mahihirap na stunts dahil mayroon naman siyang ka-double noon.

“May double ako, so I was expecting na ‘yung double ko ang gagawa niyong mga eksena na mabibigat kagaya niyong pagsampa sa bintana, at pagkalaglag sa bintana.

“So I was happily watching Direk Chito explain to Kuya Archie Adamos and to my double ‘yung stunts, so tuwang-tuwa ako sabi ko, ‘Ang ganda, ang galing galing naman,’ sabi ni Direk Chito, ‘Lot, nakita mo ‘yon?, ‘Opo, ang galing-galing,’ sabi niya, ‘Gawin mo.’

“Sabi ko, ‘Ha? Alin po roon?’ [sabi niya], ‘Lahat,’” natatawang pag-alal ni Lotlot.

Paglilinaw naman ni Lotlot, matagumpay niyang nagawa ang mga stunt dahil naging safe ang production habang kinukunan ito.

“But when that happened, Tito Boy, I knew I was in safe hands because everyone in the set is really taking care of me. Kasi lahat po ng mga eksenang ipinagawa sa akin talagang ako po talaga lahat ‘yun, hindi ko rin po akalain na kaya ko rin palang maging stuntwoman,” pagbabahagi pa ni Lotlot.

Sa ngayon ay mapapanood si Lotlot sa GMA Primetime Series na The Write One.