HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SINIGURO ni Senador Tito Sotto na mananatili silang tatlo nina Vic Sotto at Joey de Leon sa Eat Bulagagayundin ang kanilang noontime show sa GMA 7.
Ang pagtitiyak ay ginawa ni Tito Sen nang mag-guest siya kay Korina Sanchez sa show nitong Korina Interviews sa NET25.
Ani Tito Sen, “We’re there, ‘Eat Bulaga’ is there, Tito, Vic, & Joey,” nang matanong ni Korina tungkol sa tunay na estado ng kanilang noontime show.
“Siguro, ‘yung mga lumalabas na kuwento at kung ano-ano, hindi ko na ia-address dahil kung ano-ano na ‘yung lumabas, eh.
“Perhaps the important thing to say is, ‘Eat Bulaga’ is here to stay and we’re there to stay,” paniniyak ni Tito Sen sa lahat ng Dabarkads.
O ayan tinuldukan na ni Tito Sen ang mga balitang naglalabasan na mawawala silang tatlo sa kanilang show na Eat Bulaga. At siguro naman ay matatapos na ang usapin na tatanggalin ang TVJ gayundin ang ilan pa nilang co-hosts at papalitan ang titulo ng Eat Bulaga.
Samantala, tuwang-tuwa naman ang fans ni Alden Richards nang mapanood siya muli noong Sabado sa Eat Bulaga. Naging emosyonal nga ang aktor nang muli siyang tumuntong sa EB stage.
Sa mga hindi nakakasubaybay sa Eat Bulaga, ilang buwang hindi napanood si Alden sa noontime show dahil sa sunod-sunod niyang projects sa GMA 7.
