Arman Ferrer dapat lang na masundan ang Valentine show

RATED R
ni Rommel Gonzales

NAPUNO ni Arman Ferrer ang BGC Arts Center gabi ng February 14.

At sa rami ng mga concert sa Araw ng mga Puso, hindi kami nagsisi, sa halip ay labis naming ikinatuwa, na pinili namin ang A Second Chance Valentine show ni Arman dahil napakahusay na mang-aawit nito 

 at kapado niya ang kanyang audience.

Hindi lang siya iyong kanta lang ng kanta, nakikipag-connect siya sa mga nanonood sa kanya.

Siyempre pa, dahil Valentine’s Day, halos puro mga kanta tungkol sa pag-ibig ang repertoire ni Arman, at sa napakagandang hagod ng boses ng binata ay tila hinaharana niya ang mga taong nanood sa kanyang performance, including THE National Artist for Film and Broadcast Arts na si Sir Ricky Lee.

Mahuhusay din ang mga nagsilbing guest ni Arman sa kanyang show na sina Jackielou Blanco, Sheila Valderrama-Martinez, Debonair District, Al Fritz Blanche, Jep Go at Floyd Tena, Toma Cayabyab, at si Mitch Valdez.

Aliw ang audience sa banter nina Arman at Jackielou na birong-totoo ni Jackielou, ‘huwag siyang tatawaging ‘Tita’ kundi Jackie na lang, puwede naman siyang maging cougar for that night.’

Mahusay ng pagkanta ni Jackielou ng cover niya ng You Don’t Own Me na original song ni Lesley Gore.

Walwalang kantahan ang number ni Arman and his male guests na pagkahuhusay din.

Bestfriend ni Arman si Sheila at inawit nila ang Beauty And The Beast.

At si Ms. Mitch na para sa amin ay ang Bette Midler ng Pilipinas, ang galing-galing pa rin, certified music icon.  

May clamor for a repeat kahit hindi Valentine at sana mangyari, knowing Arman’s manager na si Noel Ferrer.

At oo, pagkatapos ng kanyang Another Chance, deserve ni Arman ang more and more chances.