HATAW! D'yaryo ng Bayan hatawtabloid.com
NAKAIINTRIGA ang post ng GMA Network sa kanilang social media account kahapon ukol sa pagbabalik ng isang icon sa kanilang tahanan.
Kaya naman kaabang-abang kung sino nga ba ang tinutukoy nilang magbabalik-Kapuso.
Anang post, “Handa na BA ang lahat sa HOMECOMING ng isang SHOWBIZ icon? Abangan ang kanyang pagbabalik sa GMA coming soon!”
Sa post na ito’y may idea na kami dahil malinaw ang ibinibigay nilang clue. Kailangan lamang na mabilis ang inyong mga mata sa pag-intindi ng clue, ‘di BA?
Agaw-pansin ang ‘Handa na BA?’ Gayundin ang upuang kulay pink. At iisa lamang ang kilala naming gumagamit niyon.
Nakatatawa naman ang mga komento ng netizens sa pahulaang ito at kung sino-sinong artista ang sinasabi nila. Pero lamang ang hulang si Boy Abunda ang magbabalik-GMA. Siya na nga ba? ‘Yan ang ating pakaaabangan. (MVN)
