HATAW! D'yaryo ng Bayan hatawtabloid.com
PATAY ang isang 51-anyos na back-rider habang sugatan naman ang nagmamaneho ng kanilang motorsiklo matapos mabangga ng isang trailer truck sa Malabon City, kamakalawa ng gabi.
Dead-on-the-spot ang biktimamng kinilalang si Ariel Macaraeg, machine operator at residente ng #44 Prelaya St. Brgy. Tugatog sanhi ng tinamong pinsala sa ulo at katawan.
Patuloy namanang inoobserbahan sa Valenzuela Medical Center (VMC) ang driver ng Rusi motorcycle (212QZR ) na kinilang si Jonas Adelino, 55 anyos, kapitbahay ng biktima sanhi ng tinamong mga sugat sa katawan.
Batay sa ulat ni P/SSgt. Baltazar Gallangi, traffic police investigator kay Malabon police chief P/Col Albert Barot, akong 11:50 ng gabi, tinatahak ng mga biktima ang kahabaan ng M.H. Del Pilar St. patungong Brgy. Maysilo.
Dito biglang binangga ang likuran ng kanilang motorsiklo ng isang trailer truck (THQ450) na minamaneho ni John Mark Degino, 23 anyos na residente ng Mabolo St. Brgy. Maysilo.
Sa lakas ng impact, tumilapon si Macaraeg hanggang sa magulungan ng trailer truck na nagresulta ng kanyang agarang kamatayan habang isinugod naman si Adelino sa naturang pagamutan.
Kasong reckless imprudence resulting to homicide, physical injury and damage to property ang isinampa ng pulisya laban sa trailer truck driver sa Malabon City Prosecutor’s Office. (Rommel Sales)
