Piolo suportado si VP Leni 

I-FLEX
ni Jun Nardo

NAG-FLEX na si Piolo Pascual ng kulay na suportado niya sa Presidente – Pink!

Yes, suportado ni Piolo si VP Leni na ayon sa aktor ay, “Tunay na mukha ng unity!”

Sa isang video message, sinabi ng aktor na si  VP Leni lamang ang tanging kandidato na nakapagbigay ng inspirasyon at pag-asa sa mga Filipino na magtulungan at magsama-sama para sa mas magandang bukas ng Pilipinas.

“Ang totoong pagkakaisa ay isang pangako na walang maiiwan, lahat tayo ay magkakasabay na humahakbang para sa pangarap na lipunan,” sabi ni Piolo.

Dagdag pa ng aktor, ang tunay na pagkakaisa ng taumbayan ay makakamit lamang sa ilalim ng bukas, tapat at mahusay na pamamahala na maibibigay lamang ni VP Leni.

Kamakailan, mahigit 220k na supporters at volunteers ni VP Leni sa San Fernando, Pampanga ang sumuporta at sumama sa rally.

Isa si Piolo sa mga celeb na dumarami sa pagbibigay ng suporta kay VP Leni.