HATAW! D'yaryo ng Bayan hatawtabloid.com
Rated R
ni Rommel Gonzales
MAY new look ang aktres na si Aiko Melendez para sa kanyang pagbabalik sa well-loved GMA Afternoon Prime series na Prima Donnas.
Muling bibigyang-buhay ni Aiko ang karakter na si Kendra, isa sa mga most hated characters ng show, sa book two ng serye.
Huling nakita si Kendra na biglang mumulat sa finale ng unang season ng Prima Donnas.
Kabilang sa paghahanda ni Aiko para sa pagbabalik niya bilang Kendra ang pagbabago niya ng look.
Noong Agosto, ipinakita ni Aiko ang kanyang new hairstyle, ang mas maikling buhok.
“Im About To change my Life,” lahad niya sa caption.
Kasalukuyan nang nasa lock-in taping ng show si Aiko at ibinahagi niya ang isang pasilip sa new look ni Kendra.
“Legit na to! Babalik na si Kendra Fajardo ! Season 2 malapit na malapit na ” sulat niya kalakip ang litrato ng monitor na makikitang naka-cap at jacket si Kendra na mukhang nagtatago.
Bukod dito, nag-post din si Aiko ng ilang pictures na nakasuot siya ng sparkly gown na idinisenyo ni Noelle Cristobal at may suot pang korona.
“Finally!!!! After 10X of trying to bring home the crown, I got this one now… Thank you, Miss Universe! Pero mali ang nasalihan ko eh!
“I am Miss Prima Donnas! Queen of Quezon CITY char!
“But ang mahalaga ako ang nagwagi! Wagi and LGBTQ+ sa pagkawagi ni Kendra #Primadonnasseason2,” biro niya sa caption ng IG post niya.
Tulad ni Aiko, may new look din si young Kapuso actress Sofia Pablo sa pagbabalik niya bilang Donna Lyn o Len-Len sa Prima Donnas.
Nagpaikli rin ng buhok si Sofia at nagpakulay pa.
Abangan ang pagbabalik ng Prima Donnas, soon on GMA Afternoon Prime!
