MATABIL
ni John Fontanilla
BACK to work na si Will Ashley dahil nagsimula ng gumiling ang camera ng hit GMA afternoon serye na Prima Donnas Book 2.
Makakatambal ni Will dito si Jillian Ward na aminado niyang crush. Kasama rin dito sina Sophia Pablo at Althea Ablan, Aiko Melendez, Elijah Allejo, Wendel Ramos, Katrina Halili, Sheryl Cruz atbp.
Masaya si Will dahil natupad ang wish niya at ng kanilang mga tagahanga ni Jillian na magtambal sila sa isang serye. Matagal na kasi silang kinukulit ng mga ito kung kailan siya magtatambal sa isang proyekto.
Bukod sa lock in taping ng book 2 ng Prima Donnas, abala rin si Will sa kanyang online class at pag-e-exercise para sa kanyang health at pagpapaganda ng katawan.
