HATAW! D'yaryo ng Bayan hatawtabloid.com
NAMAHAGI ang pamahalaang lungsod ng Navotas ng cash allowance sa special education (SPED) students.
Nasa 376 benepisaro ng Persons with Disabilities (PWD) Students Educational Assistance/Scholarship ang nakatanggap ng kanilang cash allowance.
Sa bilang na ito, 341 ang elementary pupils, 13 ang high school students, at 22 ang college students.
Sa ilalim ng scholarship, magbibigay ang Navotas sa PWD students ng P500 monthly educational assistance o P5,000 kada academic year.
Ayon kay Mayor Toby Tiangco, layon nitong kahit sa munting paraan, matulungan sila ng pamahalaang lungsod sa kanilang pag-aaral.
Ang mga aplikante sa programa ay kailangan Navoteños o kahit isa sa kanilang mga magulang/guardians ay bona fide resident/s at rehistradong botante sa Navotas.
Kailangan magpatala sila sa isang pampublikong paaralan o anomang paaralan na SPED sa lungsod.
Dapat mayroon din silang PWD identification card na inisyu o validated ng Persons with Disability Affairs Office (PDAO) at ang kanilang pamilya ay hindi dapat benepisaryo ng Pantawid Pamilyang Pilipino Program.
(ROMMEL SALES)
