HATAW! D'yaryo ng Bayan hatawtabloid.com
HATAW News Team
ANIM na kaso ng Returns Compliance System ang iniulat na nadiskubreng kinakaharap ng PisoPay sa Bureau of Internal Revenue (BIR).
Ang PisoPay ay isa mga service provider na kinokontrata ng mga banko at korporasyon upang makapag-online transaction ang kanilang mga kostumer para sa remittances at fund transfer.
Dahil dito, naging kuwestiyonable umano ang kanilang pananaw bilang “one of the most trusted fintech companies in the Philippines.”
Batay sa mga dokumento, hindi umano nakapag-file ng Income Tax Return (ITR) ang PisoPay sa mga taong 2018 at 2019.
Bukod dito, hindi rin umano naibigay ang kanilang Monthly Remittance Return on Income Taxes Withheld on Compensation (BIR Form No. 1601-C) para sa mga buwan ng Abril 2019 at mula Marso hanggang Mayo ng 2020.
Ayon sa isang opisyal ng BIR na tumangging magpabanggit ng pangalan, “Posibleng ang nasabing kompanya ay kabilang din sa mga naapektohan ng pandemya, ngunit hindi ito puwedeng maging dahilan para hindi mag-file ng ITR sa loob ng dalawang taon dahil ito ay kanilang obligasyon.”
Dahil dito, nababahala ang ilang negosyo na may transaksiyon sa PisoPay bilang isang financial services company.
Ayon sa isang branch manager ng isang kilalang malaking banko sa bansa, “Kailangang maging responsable ang PisoPay dahil obligasyon nila ang magsumite ng remittance sa BIR sapagkat direktang apektado nito ang kanilang kredibilidad bilang isang kompanya. Sinubukang hingan ng reaksiyon ang PisoPay sa isyu sa telepno bilang (02)8.2428153 na may tanggapan sa Makati, batay sa kanilang website na https://pisopay.com.ph/aboutUs.php subalit nabigo ang mga miyembro ng media.
