Sunday , May 26 2024

IBC-13 execs deadma sa COA
ILLEGAL WAGE HIKE ITINULOY

ni ROSE NOVENARIO

TUMATANGGAP ng mahigit P51,000 ‘ilegal’ na umento sa sahod kada buwan ang president at chief executive officer ng state-run IBC-13 mula pa noong 2019 sa kabila ng 13 taon nang hindi nakatitikim ng wage hike ang rank and file employees.

Nabatid sa 2020 COA report, bukod sa President at CEO, nakapaloob sa basic pay ang illegal wage hike kada buwan ng OIC President and CEO na P27,049: ang On Air and Traffic Manager na P24,129; Internal Audit Manager na P22,819; Finance dep’t manager na P22,461; Production Manager na P18,546; at Engineering Manager na P16,657, sa isang taon ay may kabu­uang halos P2 milyon.

Ibig sabihin, sa bawat buwan, ang suma total na inilalabas sa pondo ng IBC-13 para sa ‘illegal wage hike’ ay P182,725, katumbas ng isang taon at tatlong buwan suweldo ng isang rank and file employee na may sahod na P12,000 kada buwan.

Anang COA, mula noong 2019 ay pinag­sabihan ang IBC-13 management na walang approval ng Office of the President ang tinatang­gap na wage hike ng kanilang mga opisyal at kung walang basbas na makuha ay kailangan ibalik ito sa kaban ng bayan.

Pinuna rin ng COA ang kostumbre ng IBC-13 sa personal bank account ng Finance manager ipinadedeposito ang bayad ng mga kliyente kahit may minaman­tinang account sa tatlong banko ang state-run TV network.

Ginagawa umano ito ng IBC-13 management upang umiwas sa garnishment ng Bureau of Internal Revenue (BIR) dahil may pagkaka­utang na net value-added tax (VAT) na P114.706 milyon at witholding tax na P44.146 milyon.

Muling inirekomenda ng state auditors ang pagpapawalang bisa sa pinasok na joint venture agreement ng IBC-13 sa R-II Builders Inc., noong Marso 2010 dahil contract of sale ang kinalabasan ng JVA nang amyendahan ito noong 2016.

Noon pang 2018 COA report ay nakasaad ang bentahan ng 36,103 square meters na lupain ng IBC-13 sa R-II Builders imbes “sharing of net revenues in a residential development.” Batay sa amended JVA ay labag sa batas, hindi dumaan sa bidding kaya’t maaaring nalugi ang gobyerno sa transaksiyon.

Sa 2020 COA report, nakasaad na binubusisi ng COA Legal Affairs Office ang usapin na sakop na ng Audit Observation Memo­randum.

About Rose Novenario

Check Also

DOST Region 2 awards P42-M iFund to empower over 38 MSMEs in the region

DOST Region 2 awards P42-M iFund to empower over 38 MSMEs in the region

ACKNOWLEDGING the vital role of MSMEs in the Philippine economy, the Department of Science and …

DOST, AIEC and NEA ink MoU to promote Energy Security in PH

DOST, AIEC and NEA ink MoU to promote Energy Security in PH

The Department of Science and Technology (DOST), together with the Association of Isolated Electric Cooperatives …

DOST Bicols Dual Celebration, unites RSTIW and Abacanobasyon

DOST Bicol’s Dual Celebration, unites RSTIW and Abacanobasyon

The Department of Science and Technology (DOST) Region V commences the celebration of its Regional …

KWF PANAWAGAN SA PAGSUSUMITE NG PAPEL-PANANALIKSIK

Ika-2 pandaigdigang kumperensiya sa nanganganib na wika
PANAWAGAN SA PAGSUSUMITE NG PAPEL-PANANALIKSIK

(2nd International Conference on Language Endangerment) MB Auditorium, Philippine Normal University Lungsod Maynila, Pilipinas 9–11 …

NorMin researchers triumphants in Mindanao RSM 2024 Poster Competition

NorMin researchers triumphants in Mindanao RSM 2024 Poster Competition

Northern Mindanao’s scientific posters dominated the 2024 Mindanao Regional Scientific Meeting, held on May 8-9, …

Leave a Reply

Your email address will not be published. Required fields are marked *