Charo Laude, swak sa pandemic ang bagong single na Pikit Mata

LALABAS ngayong April ang bagong single ng singer/beauty queen na si Charo Laude titled Pikit Mata, composed and written nina Abe Hipolito at Tess Aguilar at mix mastered ni Rannie Raymundo, ito ay mula sa Alakdan Records.

Ayon kay Ms. Charo, ang kanyang latest single ay napapanahon at isa itong wake-up call para sa lahat.

Saad niya, “Ang Pikit Mata ay isang kantang ginawa tungkol sa pandemya at mga kalamidad na nangyayari sa buong mundo. It’s a wake up call sa mga tao na dapat maging positibo pa rin tayo at manalig sa Diyos. Dahil lahat ng mga nangyayaring ito ay may kalutasan.

Napapanahon ang song at marami ang makare-relate rito.”

Samantala, isa si Ms. Charo sa aabangan sa Awit sa Pandemiya, a PMPC Virtual Benefit Concert.

Aniya, “I will sing my song Sana and Pikit Mata sa concert ng PMPC. Masaya ako at proud dahil napasama ako sa isang natatanging concert tulad nito at masarap sa feeling ang makatulong sa mga kapatid natin na bumubuo ng PMPC at makasama ang mga batikan sa larangan ng musika.

“Then i-promote ko na rin ang nalalapit na national pageant ng Mrs. Universe Philippines this August. Ang mananalo at tatanghaling Mrs. U Phils 2021 will compete in Korea this November 2021. Still open ang nationwide search and screening nito to all empowered women, married, single mom, annulled, divorce.

“Please like our page for more details, Mrs. Universe Philippines and follow my Instagram-Charo Laude, FB-Maria Charo Calalo/Charo Laude, YouTube-Queen Charo. Iyong song ko na Sana at Pikit Mata ay available in Spotify, YouTube, Vevo, Apple Music, and all digital platforms,” saad ni Ms. Charo.

Tampok sa Awit sa Pandemiya, a PMPC Virtual Benefit Concert sina Alden Richards, Jed Madela, Christian Bautista, Luke Mejares, Ima Castro, Gerald Santos, Jeric Gonzales, at Kuh Ledesma. Kasama rin sina Jos Garcia, JV Decena , Gari Escobar, Christi Fider, Joaquin Garcia, Sarah Javier, Charo Laude, Diane De Mesa, Renz Robosa, Lil Vinceyy, at Zcentido.

Ito ay gaganapin sa April 18, Sunday 8 PM (PHST & SGT) 5 AM (PDT) thru ticket2me.net.

ALAM MO NA!
ni Nonie Nicasio