Payo ng DOH: Publiko mag-ingat sa distansiyang aprobado ng DOTr

PINAG-IINGAT ng Department of Health (DOH) ang publiko kapag sinimulan ang pagpapatupad ng mas maikling distansiya sa pagitan ng mga pasahero sa mga pampublikong transportasyon ngayong araw.

Sa kanilang abiso, sinabi ng DOH na dahil sa desisyon ng Department of Transportation (DOTr) na bawasan ang distansiya sa pagitan ng mga pasahero, pinapayohan ang commuters na magdagdag ng pag-iingat sa pagsakay sa PUVs.

Pinayohan din ng DOH ang mga commuter na kung may tsansa o kung posible, pumili ng masasakyan na kayang ipatupad ang one-meter physical distancing.

Malaking bagay ayon sa DOH ang pagusuot ng face mask, face shield, at paghuhugas ng kamay.

Ang mga senior citizen, immune-compromised, at may mga karamdaman ay pinapayohang manatili sa bahay.