Seksi pero senglot na modelo ng Star Magic nang-araro ng 5 motorsiklo (3 sugatan)

SUGATAN ang tatlo katao makaraang araro­hin ng isang sports utility vehicle (SUV) ang limang motorsiklo na sumalpok sa isang lote sa Pablo Ocampo St., kanto ng Adriatico St., sa Malate, Maynila, kahapon ng madaling araw.

Sa pahayag ng mga residente sa lugar, mabilis ang andar ng kulay itim na Mitsubishi Montero na sumagasa sa limang motorsiklo.

Kinilala ang driver ng Black Montero na si Andrea Abdon, 25-anyos, nagpakilalang modelo ng Star Magic.

Ayon sa barangay tanod na si Lawrence Nabua, amoy alak ang babaeng driver ng SUV at ang kasama nitong lalaki.

Dakong 3:00 am ka­ha­pon, Huwebes, 3 Oktubre, nang ararohin ng Balck Montero ang limang motorsiklo na pawang wasak at halos ‘di na mapapakinabangan.

Sugatan din ang nakatayo sa lugar na nahagip ng SUV.

Kinilala ang mga sugatan na sina Collin Ugali, 23; Maricel Cawili, 23; at Danica Diputado, 21 anyos.

Bukod sa tatlong nasaktan at mga motor­siklong nasira, tinamaan din ang mga kontador ng tubig sa lugar.

Kaugnay nito, patu­loy na bina-bash ng neti­zens sa social media si Abdon, dahil hindi uma­no nagbayad o naglabas kahit kusing para sa kanyang mga nasira at nasaktan.

Sinabi umano ni Abdon na nawawala ang kanyang wallet.