Sa kontrobersiyal sa GCTA… Pagharap sa Senado ni De Lima ipinaubaya ni Go kay Gordon

IPINAUUBAYA ni Senator Christopher “Bong” Go ang pagpa­pasya kay Senate Blue Ribbon  Chairman Richard Gordon hinggil sa hirit na padaluhin sa Senate hearing  si Senator Leila de Lima.

Ito ay dahil sa pag­kakaungkat ng involve­ment ni De Lima sa mga nakinabang sa GCTA law.

Paliwanag ni Go, ayaw niyang makulayan ng politika kung siya ang maggigiit ng pagdalo ni De Lima sa pagdinig ng Senado.

Binigyang-diin ni Go, patas siya at walang sasantohin, mananagot ang mga may kasalanan kahit ano pa ang political affiliation nila.

Kombinsido si Go na marami ang sumakay sa proseso ng GCTA at marami ang  name­mera kaugnay nito.

Ayon kay Go, nakapagtatakang mas marami ang mga nasa minimum compound na qualified sa mas maagang paglaya dahil sa GCTA Law pero nau­una pa ang mga nasa maximum com­pound na mas malaki ang kasalanan na maka­labas.

Ito aniya ay mali­naw dahil gumagana ang pera sa proseso ng  naturang batas.

(CYNTHIA MARTIN)