Nanitang bawal umihi sa gilid ng bahay… Mister bugbog-sarado na tinarakan pa ng 7 senglot

KRITIKAL ang kala­gayan ng isang 38-anyos self-employed na mister makaraang pagtu­lu­ngang gulpihin at pagsa­saksakin ng grupo ng mga manginginom nang pagbawalang umihi sa gilid ng kanyang bahay sa Caloocan City kama­kalawa nang hapon.

Patuloy na gina­gamot sa Dr. Jose N. Rodriguez Hospital ang biktimang si Jerome Sambayon, ng Phase 8 Blok 77 Lot Excess, Brgy. 176, Bagong Silang sanhi ng grabeng tama ng sak­sak at bugbog sa kata­wan.

Apat sa pitong sus­pek ang agad naaresto ng mga barangay tanod na kinilalang sina Neilmar Obias, 19, Richelda Obias, 42, Jayson Tabor, 25, at Ronnel Obias, 42.

Pinaghahanap ang mga suspek na sina Jomuel Anasco, Jayson Parillo at Lyndon Caing.

Batay sa ulat ng pulisya, dakong 5:45 pm, masayang at mai­ngay na nag-iinuman ang mga suspek sa gilid ng bahay ng biktima na ginawa na rin nilang ihian at sukahan.

Dito na nainis si Sam­­bayon dahilan upang sitahin ang mga manginginom na ikina­galit ng suspek na si Neilmar sabay palo ng bote ng  alak sa may-ari ng bahay.

Bumagasak si Sam­bayon pero imbes uma­wat ang iba pang suspek, tulong-tulong pa nilang ginulpi at sinaksak ang biktima.

(ROMMEL SALES)