Paring Kano muling inaresto sa pagmolestiya sa 5 sakristan

MULING inaresto ang isang paring Katoliko kahapon dahil sa rek­la­mong pangmomolestiya sa 50 bagong biktima na karamihan ay mga ba­tang sakristan.

Inaresto ng awtori­dad si Kenneth Pius Hendricks matapos ang higit dalawang buwan mula nang unang madetine sa Camp Bagong Diwa sa Taguig dahil sa reklamong pang-aabu­­so.

Unang nahuli si Hen­dricks noong 5 Disyem­bre 2018 sa lalawigan ng Biliran province nang maisyuhan ng warrant of arrest galing sa United States District Court for Ohio noong 11 Nobyembre 2018 sa kasong “engaging in illicit sex with a minor in a foreign country.”

Nitong Martes, mu­ling hinainan ng limang warrant of arrest ang pari dahil sa hinihinalang pang-aabuso sa mga bagong biktima na kara­mihan ay mga sakristan.

Sinabi ng mga pulis na sa una ay takot ang mga biktima na magsum­bong dahil sa pagbabanta ng pari ngunit napag­desisyonan nilang luma­bas nang malamang nau­na na siyang naaresto ng mga tauhan ng Im­migra­tion.

Inilabas ng Biliran Regional Trial Court Branch 16 ang limang warrant of arrests para sa mga kasong acts of lasci­viousness at child abuse laban kay Hendricks.

Naaresto si Hen­dricks ng magkasamang puwer­sa ng Regional Special Operations Unit (RSOU) ng National Capital Region Police Office (NCRPO), BI Fugitive Search Unit, at US Department of Homel and Security.

Ililipat si Hendricks mula sa BI detention facility patungo sa RSOU jail.

Sa nakalap na im­por­masyon, unang nagpunta sa Filipinas si Hendricks noong 1968 mula sa Cincinnati, Ohio, USA.

Naordinahan siyang pari sa bansa sa ilalim ng Franciscan Order at nagsilbi sa kapilya ng St. Isidore the Worker sa Talustosan Village, Bili­ran.